Algengar spurningar

Sjálfstæði í eldsneytismálum: Díseleldsneyti er eins um allan heim og í boði allan sólarhringinn allt árið um kring. Mjög nákvæmt eftirlit með eldsneytisbirgðum er mögulegt á eldsneytismælinum. Sjálfstæði í upphitunarmálum: Upphitun við akstur er leyfð um allan heim. Með því að veita dísel úr eldsneytistanki ökutækisins til hitarans er engin þörf á því að leita að kútatengjum, sem passa, eða skipta um gaskúta í útlöndum. Meira rými: Hægt er að fækka gaskútum í húsbílnum því þeir endast hvort eð er lengur og hægt er að festa alla Webasto hitara utan á ökutækið. Það leiðir til töluvert meira rýmis innan í húsbílnum. Minni þyngd: Að vetrarlagi er yfir 80% LPG gass notað til að hita bara upp innanrýmið. Með því að nota díselknúna hitara er hægt að fækka LPG gaskútunum niður í einn 5 kg kút og öðlast allt að 35 kg burðarþyngd til viðbótar.

Tæknin á bak við díselhitara hefur náð miklum framförum frá því að fyrstu hitararnir voru settir á markað. Ásamt sérhönnuðum húsbílahiturum býður Webasto upp á hljóðlát sett með margvíslegum aukahlutum sem eyða öllum hugsanlegum truflunum (t.d. útblásturshljóðdeyfi, mjög hljóðlát dæla, o.s.frv...), þér og nágrönnum þínum á tjaldstæðinu til þægindaauka.

Nei! Webasto hitarar þurfa ekki efnahvata þökk sé mjög skilvirkri brennslu. Útblástursgildi hitaranna okkar eru þegar mjög lág innan þeirra marka sem lög kveða á um.

Já! Upphitun við akstur er leyfð um allan heim með hiturunum okkar! Þannig er innanrými þitt þægilegt og hlýtt þegar þú kemur á ákvörðunarstaðinn þinn.

Já! Allir Webasto hitarar eru prófaðir og viðurkenndir fyrir að virka í allt að 1,500m hæð en það er nægilegt fyrir flest fjöll í Evrópu. Air Top Evo og Dual Top Evo línan virka í allt að 2,200m hæð þökk sé innbyggða sjálfvirka hæðarskynjaranum. Hægt er að fá Air Top 2000 ST með innbyggðum rofa fyrir notkun í allt að 2,200m hæð.
Hægt er að breyta hiturunum okkar fyrir hæð yfir 2,200m. Hafðu samband við næsta Webasto söluaðila til að fá frekari upplýsingar. Það er ekki vandamál fyrir neina Webasto hitara að aka yfir fjöll með hitarann í gangi.

Allir Webasto hitarar eru prófaðir og viðurkenndir fyrir hitastig á bilin -30° til +40°C eða meira. Eldsneyti, sem notað er á mjög köldum svæðum, þar sem hitastig getur farið langt undir 0°C (heimskautadísel eða vetrardísel) er blandað sjálfkrafa með íblöndunarefnum til að koma í veg fyrir að eldsneytið frjósi. Ekki er þörf á að gera neitt við hitarann nema nota slíkt eldsneyti. Svo ef ökutækið þitt fer í gang mun hitarinn einnig virka.

Allir Webasto hitarar hafa verið prófaðir og viðurkenndir fyrir notkun með lífdísel innan löglegra marka. Notkun á hærra magni af lífdísel mun hins vegar draga úr endingartíma hitarans.

Almennt nei! Webasto hitarar eru viðhaldslausir og ekki þarf að skoða þá á tveggja ára fresti. Við mælum aðeins með því að þeir séu settir í gang á tveggja mánaða fresti í 10-15 mínútur.

Já! Webasto býður upp á sett fyrir endurísetningu á öllum hiturum. Settið inniheldur allt sem er nauðsynlegt til að gangsetja hitarann, aðeins þarf að bæta við sérstökum loftrásum fyrir ökutækið, festingum og eldsneytishlutum. Hafðu samband við reynslumikið söluaðilanet okkar til að fá sérsniðið tilboð um ísetningu á Webasto hitara í húsbílinn þinn. Jafnvel þó að þú sért með LPG gashitunarkerfi getur verið ráðlagt að vera með díselhitunarkerfi til vara til að hita upp hraðar og af meira afli.

Margvíslegir kostir eru í boði þegar kemur að aukalegum hiturum: Stórir (t.d. samþættir) húsbílar tapa venjulega meirihluta hitaorku sinnar í gegnum rúðurnar. Stóru rúðurnar eru ekki mjög vel einangraðar og þéttivatn safnast upp á þessu svæði. Einnig ef þú breytir ökumanns- og farþegasætum yfir í borðkrók getur verið að þú finnir fyrir köldu lofti aftan úr bílnum.
Til að koma í veg fyrir þetta tvennt hitar Thermo Top C Motorcaravan sérstaklega upp stýrishúsið og dregur úr myndun þéttivatns. Honum er komið fyrir í vélarrúminu og loftinu er dreift í gegnum viftukerfi ökutækisins.
Aukalegur hitari kemur einnig til álita ef núverandi upphitunarkerfi dugar ekki eða ef þú vilt vera örugg/ur í fríum og þurfa ekki að treysta á LPG gasbirgðirnar þínar. Þú getur notað stærri Webasto hitarana, annaðhvort til að hita upp allan húsbílinn eða notað Air Top 2000 ST þegar þörf er á aðeins meira afli frammi í bílnum eða til að hita upp aðra hluta sem núverandi aðalhitari nær ekki vel til.

Viðurkenndur söluaðili verður að setja upp Webasto hitarana. Annars getur verið að ábyrgð eða skaðabótaábyrgð vegna tjóns eða viðgerða falli úr gildi.

Webasto hitarar eru hannaðir og viðurkenndir til uppsetningar utan á ökutækinu, til að spara dýrmætt pláss í innanrými. Hægt er að setja Air Top & Dual Top hitarana upp undir undirgólfinu, í yfirgólf eða inni í innanrýminu. Air Top hitarana er meira að segja hægt að halla um 90° ef þörf krefur. Thermo Top C hitararnir eru venjulega settir upp í vélarrýminu eða undir húsbílnum.

Nei! Þökk sé E1-viðurkenningunni, sem allir Webasto hitarar eru með, er ekki þörf á því að framkvæma tæknilegar skoðanir eða skráningu í skráningarskjöl húsbílsins.

Allir hitarar eru með eigið eldsneytiskerfi með skömmtunardælu sem tekur eldsneyti beint og með sjálfstæðum hætti úr eldsneytistanki ökutækisins.

Eldsneytisneysla fer að sjálfsögðu mikið eftir nauðsynlegum hitakrafti og gerð hitarans. Í mjög grófum og óskuldbindandi dráttum þarf hitari 100 ml af dísel á hverja klukkustund og kW. Frekari upplýsingar má finna í tæknilýsingu hitarans.
Augljóslega notar hitarinn aðeins eldsneyti þegar bruni er í gangi.

Nei! Eldsneytistenging Webasto hitara notar bakflæðisrör eða aðskilda sogdælu fyrir eldsneytistankinn. Sogslangan nær ekki niður í botn á eldsneytistankinum svo að varabirgðir eru ávallt til staðar í tankinum.

Rafmagnsnotkunin fer eftir nauðsynlegu hitaafli og gerð hitarans. Frekari upplýsingar má finna í tæknilýsingu hitarans. Air Top 2000 ST, þarf til dæmis aðeins 14 til 29W. Til að viðhalda hitastiginu þegar markgildinu er náð er rafmagnsnotkunin við lægri mörkun. Með svo lága rafmagnsnotkun getur þú sofið rótt og þarft ekki að hafa áhyggjur af upphituninni.

Nei! Webasto hitarar eru útbúnir með vörn gegn undirspennu og slökkva á sér áður en lítið er eftir í rafgeyminum svo að vélin fari örugglega í gang. Hitarar fyrir húsbýla eru hvort sem er venjulega tengdir við vararafgeymi og hafa engin áhrif á ræsingu vélarinnar.

Hitaskynjari, sem er tengdur við hitarann og staðsettur á lítt áberandi stað inni í ökutækinu mælir stöðugt hitastigið í innanrýminu svo að hitarinn geti stöðugt lagað loftmagnið og hitaaflið sjálfkrafa af nauðsynlegu stigi.
Hitamælingin getur orðið fyrir truflunum ef hitaskynjarinn er hulinn með gardínu eða ef hann kemst í snertingu við hitagjafa eins og beint sólarljós, lýsingu í innanrýminu eða flæði heits lofts. Ef þú verður vör/var við slíkt getur gagnast að koma skynjaranum fyrir á öðrum stað.

Já, en ekki að fullu. Til að tryggja að engar skemmdir eigi sér stað er nauðsynlegt að nota Webasto rás sem er að lágmarki 1m á úttakshlið hitarans og jafna loftdreifingu. Ef þú vilt vera örugg/ur skaltu nota loftrásir sem þola með öruggum hætti hitasvið hitarans.

Já! Tenging á Thermo Top Evo við Alde upphitunarkerfi er möguleg ef Alde plötuhitaskiptir við vélina er settur upp, en það hefur nokkra kosti í för með sér fyrir upphitunarkerfið en er einnig nokkuð flókið. Gakktu úr skugga um að aðeins starfsfólk, sem hefur hlotið þjálfun hjá Webasto, framkvæmi slíka uppsetningu.

Já! Með því að koma fyrir plötuhitaskipti eða katli til viðbótar er hægt að hita grávatn líka. En það þarf að skipuleggja slíkar lausnir og framkvæma með einstaklingsbundnum hætti. Hafðu samband við þjónustumiðstöð Webasto ef þú hefur áhuga á slíku.

Já! Nota má Thermo Top Evo til að forhita vélina ef hann er tengdur við kælirás vélarinnar. Þegar innanrýmið er nægjanlega heitt opnast loki hitastillisins og vélin er líka hituð upp af heitavatninu.

Dual Top er með innbyggðum 11l vatnskatli sem staðsettur er í kringum hitarakjarnann. Með því að hita hitaskiptinn er varminn fluttur yfir til vatnsins. Hægt er að velja viðeigandi vatnshitastig á bilinu 40°C til 70°C.

Já! Það er ekki nauðsynlegt að vera með vatn í katlinum þegar aðeins innanrýmið er hitað upp. Ef stillingin „upphitun á vatni + innanrými“ er valin og ekkert vatn er í katlinum mun Dual Top skipta sjálfkrafa yfir í „aðeins upphitun á innanrými“ og sýna á stjórnborðinu að ekkert vatn sé í katlinum.

Upphitunartíminn fer auðvitað eftir hitastigi vatnsins inni í katlinum, völdu hitastigi og valinni upphitunarstillingu. Þegar aðeins vatn er hitað upp, er heitt vatn þegar til staðar eftir 20 mín.
Þegar innanrýmið og vatn er hitað upp á sama tíma leggur Dual Top áherslu á að hita innanrýmið fyrst. Um leið og innanrými ökutækisins hefur náð viðeigandi hitastigi, stöðvast heitaloftsviftan og Dual Top heldur áfram að hita upp vatnið þangað til það nær 70°C. Í slíku tilviki er ráðlagt að kveikja á hitaranum um klukkustund áður en þörf er á heitu vatni.

Það fer eftir gæðum vatnsins, sem er notað, eða tímanum, sem vatnið er í katlinum, hvort það þurfi að kalkhreinsa eða sótthreinsa ketilinn af og til. Ítarlegri upplýsingar um hvernig eigi að kalk- eða sótthreinsa hann má finna í notkunarhandbók Dual Top.

Nei, vegna þess hve hitarinn er flókinn er ekki hægt að koma síðar fyrir rafmagnskeflum í staðlaðri gerð Dual Top. En Webasto býður upp á tvær Dual Top gerðir með innbyggðum rafmagnskeflum sem vinna með 230V og eru með aukalegt hitaafl upp á 1 eða 2kW.

Nei, tenging er ekki mögulegt því þetta eru tvö mismunandi upphitunarkerfi. Alde eða Thermo Top Evo hitar upp vatnsglýkólblöndu sem hitar upp loftið með umbreytum en Dual Top hitar loftið upp með beinum hætti.